ډاکټر عبدالله عبدالله: د معتادینو پر روغتون او ملکي افغانانو بریدونه نه بښونکی جنایت دی

د ملي مصالحې عالي شورا پخواني مشر ډاکټر عبدالله عبدالله په خپله فیسبوک پاڼه تېره شپه د پاکستان یرغلګر پوځ له لورې د معتادینو پر روغتون او ملکي افغانانو بریدونه په سختو ټکو غندلي او د پاکستاني یرغلګر پوځ دا کار یې نه بښونکی جنایت بللی دی. نوموړي ویلي، د پاکستاني یرغلګر پوځ دا بریدونه ښکاره کوي، چې پاکستان د ښه ګاونډیتوب اصل ته ژمن ندی او د افغانستان په اړه دښمنانه فکر لري.