کابل: د پانګونې بین‌الوزارتي کمېټې غړي د لمریزې برېښنا د تولید او سوداګریز مارکېټ جوړولو پر دوو پروژو سلا کړې

له ارګ څخه په خپره شوې اعلامیه کې راغلي، چې د پانګونې بین‌الوزارتي کمېټې نوبتي غونډه چې په مرمرینه ماڼۍ کې ترسره شوه، د لمریزې پرېښنا د تولید او یو سوداګریز مارکیټ د جوړېدو په طرحه یې بحث وکړ او سره سلا شوي دي. په اعلامیه کې راغلي، په دې غونډه کې همداراز په فراه، دایکندي، غور، زابل او ارزوګان ولایتونو کې د لمریزې برېښنا د تولید او په بټریو کې د برېښنا ذخیره کولو د سیسټم پر طرحه هم بحث وشو او د افغانستان برېښنا شرکت ته دنده سپارل شوې، څو د یادې طرحې وړاندې کوونکي شرکت ته له مشخصو شوو ولایتونو یوڅو ولایتونه په نښه او له بحثت ورسته یې راپور وړاندې کړي.