کابل: د دوحې پروسې تر چتر لاندې دمخدره توکو پر وړاندې د مبارزې په تړاو ناسته وشوه

په دې غونډه کې د طاـ لبانو د بهرنیو چارو، کورنیو چارو، کرنې، اوبو لګولو او مالدارۍ او روغتیا وزارتونو استازو د ګډون ترڅنګ د یوناما، ملګرو ملتونو اړوندو ادارو، نړیوالو او سیمه ایزو سازمانونو، اروپايي اتحادیې، د اسلامي همکاریو سازمان، د یو شمېر هیوادونو سفیرانو په حضوري او پر لیکه ګډون کړی و.پدې ناسته کې د طاـ لبانو استازو وویل، چې په افغانستان کې یې د مخدره توکو د کښت او قاچاق کچه صفر ته راښکته کړې ده.په ورته وخت کې د غونډې نورو ګډونوالو هم د مخدره موادو د مخنیوي په تړاو د طاـ لبانو د هڅو ستاینه وکړه او غوښتنه یې وکړه، چې پدې برخه کې باید پام نور هم ډېر شي.