د هندوستان د بهرنیو چارو وزیر جي شنکر په خپله ایکس پاڼه لیکلي:’’ امریکا ته یو ګټور او مثبت سفر پای ته ورسید، د بهرنیو چارو د وزیر روبیو څخه د هغه د ګرمې میلمه پالنې لپاره مننه کوم.’’جي شنکر زیاته کړې، د هند او امریکا تاریخي سوداګریز تړون د جزییاتو په وروستي پړاو کې دی، چې ډېر ژر به بشپړ شي.نوموړی وایي، دا زموږ په دوه اړخیزو اړیکو کې یو نوی پړاو پرانیزي او د اړیکو لپاره پراخ امکانات لري.شنکر زیاتوي د هند او امریکا معدني همکاري هم په چټکۍ سره پرمختګ کوي، چې په راتلونکو ورځو کې د ستراتیژیکو مسلو، دفاع او انرژۍ په اړه د ښکیلتیا یو قوي حرکت روښانه کړي.پدې وروستیو کې د هند او امریکا اړیکې د تعرفو پر سر سړې شوې وې، چې اوس یې د بیا تودېدو لپاره د دواړو هېوادونو ترمنځ هوکړې شوي دي
