د عمران خان خور علیمه خان د خپل ورور د روغتیايي وضعیت په اړه ژاړي او ویلي یې دي، چې د ورور پر درد سخته خواشینې ده. نوموړې زیاته کړې، عمران خان د سترګو لید تر ډېره له لاسه ورکړی او اوس یې یوازې شاوخوا ۱۵ سلنه لید پاتې دی. بل خوا، د تحریک انصاف ګوند مرکزي مشر اکرم راجا ویلي، چې د عمران خان په اړه له ریاستي لوري ظلم شوی او د رامنځته شوي وضعیت بشپړ مسوولیت یې د حاکم رژیم پرغاړه اچولی دی. نوموړي ګواښ کړی، چې د دې قضیې په تړاو به د مسوولو کسانو پر ضد محکمې ته مراجعه وکړي.
