شیخ نور محمد ثاقب: څوک چې افغانستان ته ناوړه ارادې لري له سخت ځواب سره به مخ شي

د طاـ لبانو د ارشاد، حج او اوقافو وزیر شیخ نور محمد ثاقب د سلواغې ۲۶ مه له افغانستان څخه د پخواني شوروي د ایستلو ورځې په مناسبت جوړې شوې غونډه کې وویل، هغه کسان چې افغانستان ته ناوړه ارادې لري، له سخت ځواب سره به مخ شي.نوموړي په ورته وخت کې ویلي، ځیني هېوادونه په افغانستان کې د لاسوهنې لپاره بهانې لټوي؛ خو که له دې کار راونه ګرځي سخت به یې پېښمانه کړي.نوموړي د کوم هېواد نوم وانه خېست؛ خو پدې وروستیو کې پاکستان هلته د هرې ستونزې پړه پر طاـ لبانو اچوي او هم یې د دوي د مخالفینو ملاتړ ته دوام ورکړی دی.