د ایران د بهرنیو چارو وزارت ویاند کعاجي وایي پر ایران د بندیزونو لرې کول د امریکا او ایران د احتمالي تړون محوري شرط دی. هغه وایي، د امریکا لخوا پر ایران هر راز برید یرغل ګڼل کیږي او د خپل طبعي حق په کارولو سره به هر یرغل ته په کلکه ځواب ووایو. د اتومي پروګرام په اړه د احتمالي هوکړې په اړه نوموړي وویل، د هوکړې اساسي برخه باید پر ایران د بندیزونو لرې کول وي او ایران به هم دا یقیني کړي، چې اتومي پروګرام یې سوله ییز دی او هیڅ راز نظامي موخو لپاره به نه غني کیږي.
