اروپایي ټولنه وایي، په افغانستان کې د خوار ځواکو ماشومانو لپاره یې د مرستو جوپه کابل ته رسېدلې ده. پدې اړه خپور شوي خبر کې ویل شوي، چې خوارځواکو ماشومانو ته د پاملرنې لپاره به دا مرستې دوام ولري. پدې وروستیو کې په هېواد کې په ګڼ شمېر ماشومان او مېرمنې په خوار ځواکۍ اخته شوي، چې اندېښنې یې راپورته کړي دي. روغتیا پالان د خوار ځواکۍ لاملونه، صحي خوړو ته نه لاسرسی، بې وزلي او د کورنیو نه پاملرنه یادوي.
