په خټه افغانه اسټرالیایي یلدا حکیم چې پدې وروستیو کې یې د نورو موضوعاتو ترڅنګ د افغانستان پر وړاندې د پاکستان د دښمنانه سیاستونو او جګړو پر وړاندې کلک دریځ ونیوه او د دوي له لوړ پوړو چارواکو سره مرکو کې یې هغوي پدې قانع کړل، چې پاکستان هرکله په افغانستان کې د ستونزې جوړولو لپاره د تره ـ ګرو ډلو ملاتړ کړی دی. نوموړې په خلکو کې ډېر محبوبیت پیدا کړ او اوس تازه د سکای نیوز له لورې د کال غوره تلویزیوني ویاندې جایزه ورکړل شوې ده. پخواني ولسمشر حامد کرزي هم د یلدا حکیم ستاینه کړې او د یادې جایزې له امله یې ورته مبارکي ویلې.
